حلول تهتك سوكت عدسه الرسيفر HD MINI وقطع المسارات
السؤال
تعمل ايه لو جالك رسيفر السوكت بتاعه طاير بالتركات والمسارات بتاعته
الإجابة عند معظم الفنيين الجهاز تقريبا انتهى عشان المسارات انقطعت
اول حاجه قول بسم الله الرحمن الرحيم
وثق في نفسك جدا
انا محتاج اقولك انى كنت بصور اصلاح العطل خطوه بخطوه وانا متأكد بفضل الله انى حمله
عميل جاب رسيفر star live plus 1 v5 سوكت العدسة متهتك
وبالمناسبة راح لأكثر من فني
المهم
ركزوا معاياة كويس الله يبارككم
انا مش عايزك تصعبها على نفسك المفروض أطراف العدسة 5 أطراف
5cc
g أرضي
data بيانات
clock
ir الريموت
حضرتك القصة دي كلها تتحل لو انت قدرت تجيب طرف ir
طب طرف واحد ir أزاي
الخمسة فولت والأرضي خدهم من اى أرضي ومن رجل دخل s15 او من اى مكان على البورده
طب كده العدسة وصلها جهد حقولها اكيد ولو عايز تتأكد قيس الجهد على بورده العدسة
حقولي لازم تنور لمبة حمره ساعة ما الجهد يوصلها
حقولك لا فى معظم الأجهزة ايلى بتفتح على on مش حتديك بيانات الا لما تركب الداتا والكلوك مظبوطين
سيبك عشان ما تهربش منى
وصلنا الخمسة فولت للعدسة
نجيب ir ازاى ؟؟؟
فى عدد 4 مقاومات صغيره جدا خلف السوكت عايزك تقيس الجهد عليهم بالافوميتر
طب انا فى الرسيفر ايلى معايا 3 مقاومات قياسهم كان
3.1 .......2.9.......3.1
فى المعتاد معايا فى العدسات ان جهد ir هو اقل جهد حيقابلك
معنى كده ان ir هو 2.9 حقولك تمام علشان كده
عشان كده وعلشان ما اتلخبطش انا لحمت سلكه صفره فى مقاومه ir ايلى ايلى قيمتها 2.9
ولحمت سلكتين ابيض على المقاومات ايلى اعطتنى قيمه 3.1
علشان انا معتبرهم data وclock ولو حبيت اعكسهم لو ماظهرش معايا بيانات ما اتلخبطش علشان المقاومات صغيره وشبه بعضها
نروح بقه للعدسه ونلحم فيها سلك المقاومه ايلى ادتنى قياس 2.9 الرسيفر اخد اوامر من الريموت
طب لو ماكانش اخد اوامر ؟
كنت حجرب الطرفين التانيين لحد ما ياخد اوامر
انت لو وصلت لكده المشكله اتحلت
خد بالك ان انا لحد كده العدسه معايا طافيه نهائى مفيش حتى لمبه حمرا
لما وصلت الطرفين ايلى لونهم ابيض لقيت الرسيفر جاب on وفتح
اهم حاجه تثبت اطراف سلك بحرفنه فى المقاومات ايلى خلف العدسه علشان تعرف تعكس الاطراف وانت بتجرب علشان مش حتعرف تلحم فى المقاومه اكثر من مره لصغر حجمها
شرح اخر
