مشاكل وحلول الرسيفر لكل فنى
حلول مشاكل الرسيفر معلومات قيمة للرسيفر لكل فنى تابع معنا كل جديد
معلومات عامة فى العمل على الرسيفر
المعلومات منقولة من اخوتى على الفيس بك محترفي السات بجدارة فى هذا المجال ومجربة
معلومة
معلومه خاصه لكل الناس اللي بتسأل وعايزه تعرف نسخه الرسيفر اللي عنده
هل هي 1507او 1506 او 2507 وبتسمع وبتقراء الأرقام وهي مش عارفه ونفسه تعرف
الامر بسيط وانت واقف علي قائمه النسخة او الإصدار اكتب من الريموت
الرقم ده 1502 ويظهر معاك رقم الجهاز
====================================
معلومة اخرة
علشان تضمن ثبات القنوات البين سبورت علي خاصيه IP to sat و Sat Iptv بدون تقطيع وفتح قنوات الشيرنج بسرعه لازم تكتب ال dns ده في شبكه الواي فاي الوصله بالريسيفر
هتغير الاعداد ده من اتوماتيك الي ثابت
8.8.8.8
====================================
معلومة اخرة
للناس اللي بتقول ان خاصيه Sat Iptv بتخفي ولاازم تعمل اظهار من دخل اعدادت AV احب اوضح معلومه علشان تكون الخاصيه ثابته في قائمه الاقمار لازم تعمل اضافه قمر من اعدادت التركيب وسوف تظهر معاك ثابته
====================================
معلومة اخره
علشان تفعل او تظهر قنوات البين سبورت علي قائمه الأقمار بخاصيه Sat Iptv لازم تجعلها فتح من اعدادت الاديو والفيديو وده من اجمل خصائص التحديثات الجديدة من نوفا 10000
====================================
معلومة اخره
نصيحه لكل الأعضاء قبل ما تحول جهازك لاي سوفت تحويل لازم تسحب السوفت الأصلي احتياطي لسهوله الرجوع الي السوفت الأصلي
====================================
معلومة اخره
هو ده الجديد في ip to sat
تم فتح 17 قناه بين سبورت الرياضية وفتح باقه بين سبورت مكس وباقه بين الترفيه من افلام ومسلسلات واطفال
علي نايل سات
و بدر سات بجوده HDواستهلاك نت ضعيف وثبات تام
====================================
معلومة اخرة
خاصيه IP to sat وعن اي تشغيل الببن سبورت علي النايل سات
دي باختصار اشتراك مابين iptv و IP to sat لعرض باقه بين سبورت علي قائمه النايل سات بجوده اعلي وبسرعه نت قليله
وعلشان تفعل الخاصية دي لازم يكون عندك سيرفر iptv مجاني او مدفوع علي الجهاز
وليس اكواد اكستريم لان الخاصيه حاليا لا تعمل علي اكواد اكستريم
وتنزل ملف القنوات الخاص بالريسفر الخاص بك سواء معالج فانيلا او معالج داكي
بعد تنزيل الملف تفعل النت وتفعل iptv وارجع علي قائمه قنوات النايل سات هتلاقيه موجوده وشغاله
====================================
معلومة اخره
ماهي التقنية الجديدة IP Audi
هي خاصية جديدة تم إضافتها على الأجهزة عن طريق التحديثات لمشاهدة القنوات الأجنبية بتعليق عربي
والخاصية تشتغل بالأنترنات.
ظهرت التقنية الجديدة تحت اسم ip audio على أجهزة الريسيفرات الحديثه بحيث اصبح بإمكانك تغير الصوت على اي قناة تتكلم بلغة اجنبية إلى اللغة العربية او تعليق عربي التابع لقنوات بين سبورت BEIN القطرية . والجميع يعلم أن تغيير اللغة اثناء مشاهدة المباريات ليست بجديدة (التايم شيفت )
ملحوظه للجميع : تتطبق هذه الخاصيه على قنوات البث المباشرفقط
====================================
معلومة اخره
علشان تسحب السوفت اللي علي الريسيفر لازم تكون الفلاشه متفرمه علي نظام FAT32 وليس علي نظام NTFS لان باختصار معظم اجهزه الميديا تعمل بهذا النظام
====================================
معلومة اخره
اللي بيعاني من الرساله
اللعينه ومش عارف يدخل على الIPTV
ضبط اعدادات الواي فاي
تدخل على
الربط ثم اكثر هتلاقي كلمة HDCP
تغيرها الى ثابت IP كل شيئ يشتغل معاك تمام حتى الشيرنج وال. IPTV جرب وقول رأيك؟
====================================
معلومة اخرة
حل مشكله عدم ظهور قائمة satIptv فى قائمة الاقمار بعد غلق الجهاز وفتحه.
1ـ اغلق الخاصيه اولاً من قائمه الاعدادات - AV
2 ادخل على قائمة التركيب وضيف اى قمر لقائمة الاقمار.
3- ادخل تانى لقائمة الاعدادات - AV واعمل فتح لخاصية satIptv .
مبروووووك عليك اقفل وافتح الريسيفر براحتك ومش هتختفى القائمة تانى
====================================
معلومة اخرة
كيف ايقاف التحديث التلقائى للريسيفر
: يمكنكم ايقاف التحديثات التلقائية بالدخول علي القائمة ومن ثم تحديث ثم الدخول علي http ثم تغيير التحديث من اوتوماتيك الي يدوي وعند ظهور اي تحديث جديد يمكنكم تنزيله يدويا
====================================
معلومة اخره
كيف تحدث الريسيفر اون لاين
لو جت الرسالة التحديث دي ممكن تضغط علي نعم وتنتظر المؤشر يعد من ٠ % الي ١٠٠% وهنا الجهاز بيحمل فيها التحديث الجديد في الذاكرة المؤقتة للجهاز وبعد مايتم العد الأول هيبدأ يجيلك مؤشر تاني بيعد ايضاً ومكتوب رسالة جاري الكتابة عالفلاش ودي بيتم فيها برمجة السوفت الجديد عالجهاز ولكن هذه المرة هيعد ببطأ وده حذاري ان الجهاز يتوقف فيه عن العمل حتي لاتقع في إتلاف السوفت وير وظهور الشاشة الزرقاء المزعجة
عندما ينتهي الجهاز من العد للمرة الثانية الجهاز هيعيد التشغيل ويفتح عالتحديث الجديد ومبروك عليك التحديث الجديد
يفضل عمل ضبط مصنع بعد كل تحديث جديد ثم قم بتنزيل ملف القنوات من جديد ..
====================================
معلومة اخرة
معالجة الشاشة الزرقاء
اظهار الشاشة الزرقاء فكل ماعليك هو الأتي👇
هتجيب السوفت وير الأصلي الخاص بجهازك وتسميه rom وبعد كدة تنسخ السوفت علي فلاشة تكون بنظام فورمات fat32 وبعد كدة تركب الفلاشة في الرسيفر وهو مغلق من الكهربا وبعد ماتركب الفلاشة تشغل الرسيفر هتلاقيه بيعد انتظر لحين الانتهاء من العد ويكتبلك رسالة تفيد انه انتهي بنجاح شيل الفلاشة من الجهاز وشغل الرسيفر
ومبروك عليك عودة الجهاز الي العمل مرة اخري 💟
يفضل أخذ نسخه احتياطية من السوفت وير لجهازك وتسميتها rom
والاحتفاظ بها علي حاسوبك الشخصي تحسباً لأي مشكلة قد تحدث
====================================
معلومة اخرة
كيف اخز فلاشة او نسخة احتياطية من جهازك الاصلى
طريقة اخذ النسخة الاحتياطية من السوفت وير
هات فلاشة بنظام فورمات fat32 وضعها في الرسيفر وادخل عالقائمة ومن ثم تحديث ثم التحديث بواسطة الفلاشة والدخول عالفلاشة ثم الضغط علي زر fav وانتظر ظهور رسالة تم التسجيل بنجاح بكدة انت اخذت نسخه احتياطية من السوفت وير كاملاً لجهازك هينشئلك ملف عالفلاشة باسم flashfile هي دي النسخة الاحتياطية بتاعتك
ممكن تحتفظ بيها في حاسوبك الشخصي وعند الحاجة اليها اشتغل بيها.. لو حابب تاخد نسخه ملف قنوات احتياطية كرر نفس الخطوات ولكن بدلا من ان تضغط علي زر fav اضغط الزر الازرق هينشئلك ملف باسم db هو ده ملف القنوات الاحتياطي
هذه الطريقة تصلح لجميع أجهزة الداكي ولجميع فئات المعالج صن بلس من مصنع داكي باذن الله ومثال علي هذه الاجهزة اليكم بعض الأسماء
منتجات سيناتور . منتجات نوفا . منتجات سوبر جولد . منتجات جوكر الداكي . منتجات ستار نت الداكي . منتجات نكست . كينج ستار الداكي .. هايبر .. سونك الداكي .. شارك .. رويال .. سفن ستارز والاشباه
====================================
معلومة اخرة
للناس اللي بتقول ان خاصيه Sat Iptv بتختفي ولاازم تعمل اظهار من دخل اعدادت AV احب اوضح معلومه علشان تكون الخاصيه ثابته في قائمه الاقمار لازم تعمل اضافه قمر من اعدادت التركيب وسوف تظهر معاك ثابته